
遍知贝玛嘎波大师教言集PK225རྡོ་རྗེ་སྲིན་པོའི་སྒོ་ནས་རང་གཤེད་དབབ་པ་བུང་བ་ཁྲག་འཐུང་བཞུགས་སོ།།
18-350
༄༅། །རྡོ་རྗེ་སྲིན་པོའི་སྒོ་ནས་རང་གཤེད་དབབ་པ་བུང་བ་ཁྲག་འཐུང་བཞུགས་སོ།།
༄༅། །རྡོ་རྗེ་སྲིན་པོའི་སྒོ་ནས་རང་གཤེད་དབབ་པ་བུང་བ་ཁྲག་འཐུང་བཞུགས་སོ། ། ༄༅། །དཔལ་རྡོ་རྗེ་སྲིན་པོ་ལ་ཕྱག་འཚལ་ལོ། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་མ་ཐོབ་བར་དུ་བདག་ནི་སྐྱབས་
སུ་མཆི། །བདག་གིས་བསྙེན་བསྒྲུབ་བགྱིས་པའི་བསོད་ནམས་འདི་དག་གིས། །འགྲོ་ལ་ཕན་ཕྱིར་སངས་རྒྱས་མྱུར་དུ་ཐོབ་པར་ཤོག །སྙིང་རྗེའི་ཤུགས་དྲག་པོའི་ཉམས་ཆེར་ཁྲོས་པས་ཕས་ཀྱི་རྒོལ་བ་ཚར་བཅད་དེ་བླ་ན་མེད་པའི་བྱང་ཆུབ་ལ་འགོད་པའི་ཕྱིར། 
18-351
ཨོཾ་སྭ་བྷཱ་ཝ་ཤུདྡྷཿསརྦ་དྷརྨྨཱཿ སྭ་བྷཱ་ཝ་ཤུདྡྷོ྅ཧཾ། ཧཱུྃ་མཐིང་ནག །དེ་ལས་འོད་འཕྲོས། གདུག་པ་ཅན་ཐམས་ཅད་ཚར་བཅད། དྲེགས་པ་ཅན་ཐམས་ཅད་ཀྱི་ནུས་པ་བསྡུས། དེ་ཡོངས་སུ་གྱུར་པ་ལས། རང་
ཉིད་དཔལ་ཡེ་ཤེས་ཀྱི་མགོན་པོ་རྡོ་རྗེ་སྲིན་པོ་སྐུ་མདོག་མཐིང་ནག་རྔམ་ཞིང་འཚེར་བ། བ་སྤུའི་བུ་ག་ཐམས་ཅད་ནས་རྡོ་རྗེའི་རྡུལ་ཕྲ་མོ་དང་སྤྲུལ་པའི་ཁྲོ་ཆུང་མཚོན་ཆ་སྣ་ཚོགས་
ཐོགས་པ་འཕྲོ་བ། ཁྲོས་པའི་སྤྱན་གསུམ་མེ་སྟག་གི་ཕུང་པོ་ལྟར་དམར་བ། ཞལ་གདངས་ཤིང་ཧ་ཧ་དང་ཧཱུྃ་ཧཱུྃ་དང་ཕཊ྄་ཕཊ྄་ལ་སོགས་པའི་སྒྲ་སྒྲོག་པ། མཆེ་བ་ཟླ་བ་ཚེས་པ་ལྟ་
བུར་རྣམ་པར་གཙིགས་པ། ལྗགས་རབ་ཏུ་འདྲིལ་བ། དབུ་སྐྲ་དང་སྨིན་མ་དམར་སེར་གྱེན་དུ་བརྫེས་པ། ཐུང་ལ་གེལ་ཞིང་གསུས་པ་འཕྱང་བ། དཔལ་ཆེན་པོའི་ཆས་བརྒྱད་དང་ཕྱག་རྒྱ་དྲུག །ཀླུ་ཆེན་
པོ་བརྒྱད་ཀྱིས་བརྒྱན་པ། ཞབས་གཉིས་བརྗིད་པའི་སྟང་སྟབས་ཀྱིས་གནམ་ལྕགས་ཀྱི་ཐོག་སེར་འབེབས་པའི་མེ་དང་དུད་སྤྲིན་འཁྲུག་པའི་ཀློང་ན་བཞུགས་པ།ཕྱག་བཞིའི་གཡས་ཀྱི་དང་པོ་གནམ་ལྕགས་ཀྱི་འཁོར་ལོ་
རྩིབས་སྟོང་གཡས་སུ་དྲག་པོར་འཁོར་བའི་ཤུགས་ཀྱིས་ཕོ་བརྒྱུད་ཀྱི་བྱད་མ་ལྷ་སྲུང་དང་བཅས་པ་བརྒྱལ་ཞིང་བརྒྱལ་བར་བྱེད་པ། གཡོན་དང་པོ་ཟངས་ཀྱི་འཁོར་ལོ་རྩིབས་སྟོང་གཡོན་དུ་འཁོར་བས་མོ་བརྒྱུད་ཀྱི་བྱད་མ་ལྷ་སྲུང་དང་བཅས་པ་ཐོར་ཐོར་གཏོང་བ། 
18-352
གཡས་འོག་མ་ཟླ་བ་དང་། གཡོན་འོག་མ་ཉི་མ། དེ་ཉིད་ཀྱི་བར་དུ་བྱད་མས་བཏང་བའི་ལྷ་སྲུང་དེ་རྣམས་བུང་བ་ནག་པོའི་རྣམ་པར་མང་པོ་བྱུང་བ་དེ་དག་ཉི་ཟླའི་བར་དུ་
བརྡབས། ཉི་མའི་མེས་བསྲེག །རྡུལ་དུ་སོང་། ཟླ་བ་ལས་ཆུ་བྱུང་། དེས་སྦྲུས་པས་འཇིམ་པར་སོང་། སླར་ཤིན་ཏུ་འཇིགས་པའི་བུང་བ་མང་པོར་གྱུར་ཏེ་ལྷ་སྲིན་གྱི་དམག་མང་པོ་ར་མདར་སྦྲན། ངེད་
ཅག་གདུག་པ་འདི་ཕས་ཀྱི་བྱད་བྱེད་མཁན་ཁོས་ལན་པ་ཡིན་བསམ་དེ་དག་ཁོ་ལ་ཁྲོས་འཁྲུགས་ནས། བུ་ག་དགུ་དང་བ་སྤུའི་ཁུང་ཐམས་ཅད་ནས་ཞུགས་ཏེ་རྩ་ཟོས་ཁྲག་བརྔུབས། ཤ་རུས་འབུས་
གཞིག་པ་ལྟར་ལྷག་མེད་དུ་བཏང་བར་བསམ་ལ། ཨྱེ་ཙ་ཙ་ཨོཾ་ཨཱ་ཧཱུྃ། ཧཱུྃ་ཧཱུྃ་ཧཱུྃ། ཨུ་ཨུ་ཨུ། ཨེ་ཨེ་ཨེ། ཨ་ཨ་ཨ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ྄། ཨོཾ་བཛྲ་ཀཱ་ཝུ་ཝ་ཝ་
པ་ཤཱ་ཡ་མ་ཧཱ་ཀཱ་ཡཱ་ཡ་ཧཱུྃ་ཧཱུྃ་ཕཊ྄། ཨུ་ནེ་ཨུ་ནེ་ཨུ་ནེ། ཨུ་ཨུ་ཨུ། ཀ་པ་ཡེ། མུ་ཀ་ཡེ། ཨ་པ་ཡེ། ཧྲི་ད་ཡེ། སིང་ད་ཡེ། བྱི་ཏ་ཡེ། དུ་རུ་
ཡེ། བྱ་ཙ་ཡེ། ཨ་ཡ་མ་དུ་རུ་ཙ་ཤ་ན་རཀྵ། ཡ་མ་ཧེ་དུན། ཙཱ་མུནྜི་ཤག །ཨེ་རག་ག་དྷེ་བི་ཤ མོ་ཧ་མ་མ་ཨི་རི། ཨ་ཨ་ཨ། ཨུ་ནེ་ཨུ་ནེ་ཨུ་ནེ། 
18-353
དུ་ནེ་དུ་ནེ་དུ་ནེ། ལི་ལི་ལི། ཨི་ཨི་ཨི། རྨེ་ཕྲག་རྦུད། སྙིང་ཁྲག་རྦུད། སྙིང་ལ་འཐིབས། ཤག་ཏི་ཁས། རྨ་ར་ཡ་ཕཊ྄་རྦད།བྱད་མ་ལྷ་སྲུང་དང་བཅས་པ་སརྦ་མཱ་ར་ཡ་
མྱགས་ཐུམ་རིལ་རྦད། རཀྟ་འཐིབས། ཙཏྟི་ཁས། ཏྲིག་མྱགས་རྦད་སོད། ཨུ་ནན་ཨུ་ནན། སྟཾ་བྷ་ཡ། ཀ་པ་ཡེ། བཛྲ་ཡཀྵ་རཱཀྵ། ཨུ་ཨུ་ཨུ། དུན་དུན་དུན། ཧྲིཾ་ཧྲིཾ་ཧྲིཾ། སིཾ་ས་རུ་མུན། ས་མ་
ཡ་ཐུམ་རིལ། ཨ་ཏྲོ་ཧྲི་སྭི་རཀྵ་ས་མ་ཡ། ཙཎྜ་རོ་ཥ་ཎ། བྱད་མ་ལྷ་སྲུང་དང་བཅས་པ་མྱགས་ཐུམ་རིལ། ཏྲིལ་ནན་སྦུར་ཡ་ནན། ཨེ་ཧུར་ཐུམ་ཛཿ ཁཾ་ཤག་རོ་མྱགས་མུགས་ཏི་
རྦད་ཡ། རྦད་འདྲེ་བྱད་མ་ལ་བྲེང་ཤག་བྷྱོ་ཟློག་ཅེས་བཟླའོ། །དམིགས་རྟེན་འབེན་དུ་བཅའ་ན། བདུག་པའི་ས་ལ་འབྲུབ་ཁུང་ནང་དུ་ལིངྒ་སྔགས་ཀྱི་བསྐོར་བ། ཏིང་ངེ་འཛིན་སྔར་བཞིན་ལ། ཐུན་རྫས་
བརྡེག་ཅིང་སྔགས་བཟླ། མཐར་གཞན་དུ་བཤད་པའི་བརྡབ་ལས་ཀྱི་མཐར་ལིང་རོ་གཏོར་ཆེན་དང་ལྷན་དུ་འཕང་བར་བྱའོ། །ཡང་ན་དྲག་པོའི་ཤིང་གིས་བསྲེག་གོ རྡོ་རྗེ་སྲིན་པོའི་སྒོ་ནས་བྱད་མ་རང་
གཤེད་དུ་དབབ་པའི་མན་ངག་པདྨ་དཀར་པོས་སྦྱར་བ་རྫོགས་སོ།། །།མངྒ་ལཾ།། །།

